الجمعة، 17 ماي 2013

لحلوى السيقار

المقادير:

كيلو فرينة،رطل مرقرين ذايبة وباردة،3 م ك سكر رطب،3 بيض،فاني ،باكي خميرة،ماء الزهر

الحشو:
250غ زبدة من الافضل فلوريال،250غ عسل،250 كاوكاو محمص ومرحي خشن،كمية من حلوة الترك
نحتاج ايضا الى شكولة ولي مول الخاصة بالسيقار
الطريقة:
نحط الفرينة والمرقرين الذايبة ونحرك بواسطة اليد حتى تتداخل المرقرين في الفرينة نضيف السكر والفاني والخميرة وتلم بالبيض وشوية ماء الزهر
نبسط العجينة بالحلال بسمك متوسط وبعرض 6سم



إضغط هنا لرؤية الصورة بحجمها الطبيعي.







نحط المول الخاص بالسيقار فوق العجينة


إضغط هنا لرؤية الصورة بحجمها الطبيعي.





ونلف حول المول ثم نقطع


إضغط هنا لرؤية الصورة بحجمها الطبيعي.





ونحطهم في البلاطو على الجهة لي غلقناه منها


إضغط هنا لرؤية الصورة بحجمها الطبيعي.




ندخلهم للفرن يطيبو على درجة حرارة متوسطة
بعذ النضج نخليهم يبردو تماما وننزعهم من لي مول
نذوب الشكولة مع شوية فقط من الحليب على حمام مائي
ناخذ بلاطو نحط فوقه ورق الزبدة ومشبك نحط الحلوى فوق المشبك وبواسطة ملعقة نغطي السيقار بالشكولة والكمية لي تنزل من الشكولة نعاود نستعملها


إضغط هنا لرؤية الصورة بحجمها الطبيعي.





بعد ما نكمل كل الحلوى نخليها تنشف تماما
في هذا الوقت نحضر الحشو
بواسطة الخلاط الكهربائي نخلط الزبدة مع العسل جيدا ثم نضيف الكاوكاو ونحرك وكمية من حلوة الترك والكمية نتاعها على حسب الذوق يعني لي يحب الحلاوة يكثر والعكس
نحط الحشو في كيس حلواني


إضغط هنا لرؤية الصورة بحجمها الطبيعي.




نحشي حبات السيقار


إضغط هنا لرؤية الصورة بحجمها الطبيعي.





نذوب الشكولة البيضاء فوق حمام مائي على نار هادئة ونحطها في كيس حلواني


إضغط هنا لرؤية الصورة بحجمها الطبيعي.





نزين الحلوى بخطوط من الشكولة


إضغط هنا لرؤية الصورة بحجمها الطبيعي.





بعد ماتنشف الشكولة البيضا نحط الحلوى في لي كيسات ونقدمها


إضغط هنا لرؤية الصورة بحجمها الطبيعي.





ليست هناك تعليقات:

إرسال تعليق